ЦХИНВАЛ, 10 май — Sputnik. Стыр Уæлахизы бæрæгбон Хуссар Ирыстоны ацыд æнæ фæткхалды цаутæй, хъусын кæны Мидхъуыддæгты министрады (МХМ) пресс-службæ.
Республикæйы 9 майы ацыд бæрæгбонон мадзæлттæ Стыр Фыдыбæстæйон хæсты Уæлахизыл 73 азы сæххæсты цытæн.
"Мидхъуыддæгты министрады хайады хисæрмагонд сконд куыста æхсæнадон сабырад æмæ адæмы æдасдзинад бахъахъхъæныныл. Бæрæгбонон мадзæлттæ цы бынæтты цыдысты æмæ сæ алыварс территоритæ сæрмагонд техникон æрмæгæй басгæрстой МСНК инженерон-техникон къордтæ æмæ кусæгон куыйтæ", — загътой МХМ.
Уагдоны банысан кодтой, нывæзты æппæт мадзæлттæ дæр кæй ацыдысты сабыр уавæры, æнæ фæткхалдæй.