ЦХИНВАЛ, 15 май — Sputnik. Дзӕуджыхъӕуы аэропорты дыццӕджы ӕнӕхъӕн бон информацион хъусинӕгтӕ дзурынц ӕрмӕст уырыссагау нӕ, фӕлӕ ма ирон ӕвзагыл дӕр, хъусын кӕны рауагъд "Ныхас".
Республикӕйы транспортон министрад ӕмӕ ӕхсӕнадӕмон аэропорт "Дзӕуджыхъӕу"-ы проект нывонд у Ирон ӕвзаджы бонӕн ӕмӕ йӕ нысан у ӕхсӕнады хъусдард аздахын мадӕлон ӕвзаджы райрӕзт ӕмӕ бавӕрыны фарстытӕм.
Ӕнӕхъӕн бон аэропорты хъусинӕгтӕ дзурынц дыууӕ ӕвзагыл — уырыссагау ӕмӕ иронау. Проект у эксперименталон — кӕд ӕмбӕстӕгтӕ хорз райсой ацы хъӕппӕрис, уӕд хъусинӕгтӕ мадӕлон ӕвзагыл дзурдзысты иудадзыг.