ЦХИНВАЛ, 18 май — Sputnik. Хуссарирыстойнаг нывгӕнӕг Кацты Вадим хайад исы равдыст "Фыдыбӕстӕйы цӕсгӕмтты", кӕцы ӕрбайгом 16 майы Мӕскуыйы. Экспозицийы фӕлгӕтты ма сӕ куыстытӕ равӕрдтой нывгӕнджытӕ Санкт-Петербургӕй, Хъӕрӕсе-Черкесӕй ӕмӕ Цӕцӕнӕй.
Художник Вадим Каджаев участвует в выставке "Лики Родины"
© Из личного архива Вадима Каджаева
Кацты Вадимы ныхӕстӕм гӕсгӕ, равдысты хайадисӕг куыстытӕ ӕвдисынц адӕмты культурӕ ӕмӕ менталитеты индивидуалон хиӕдтӕ.
"Алкӕцы нывгӕнӕджы куыстытӕ дӕр дзурӕг сты цы адӕмыхаттӕй сты, уыдон цардуаг ӕмӕ миддунейыл", — загъта уый.
Нывгӕнӕг банысан кодта, равдыст уагъд кӕй цӕуы Уӕрӕсейы фӕсарӕйнаг хъуыддӕгты министрады бӕстыхайы Мӕскуыйы. Экспозици адарддӕр уыдзӕн дӕс боны, 25 майы онг.