ЦХИНВАЛ, 24 май — Sputnik. Хуссар Ирыстоны Фӕсарӕйнаг хъуыддӕгты министр Медойты Дмитрий ӕмӕ Цхинвалы администрацийы сӕргълӕууӕг Коцты Алан хӕларадон балцы ӕрцыдысты Республикӕ Италимӕ, горӕт Градары мэр Филиппо Гасперийы фӕхуындмӕ гӕсгӕ, хъусын кӕны РХИ ФХМ пресс-службӕ.
"Фембӕлды рӕстӕджы дыууӕ фарсы ӕрдзырдтой Цхинвал ӕмӕ Градары ӕхсӕн фӕстиуӕгджын ӕмгуыстады перспективӕтыл горӕтон инфраструктурӕ, культурӕ ӕмӕ туризмы фадыджы, афтӕ ма базарад ӕмӕ амалиуӕгады къабазы дӕр", — хъусын кӕны уагдоны пресс-службӕ.
Афтӕ ма фембӕлды хайад райста Хуссар Ирыстоны минӕвар Италийы Мауро Мурджиа. Хуссарирыстойнаг делегацийы балц Италийы адарддӕр уыдзӕн 25 маймӕ.