ЦХИНВАЛ, 31 май — Sputnik. Хуссар Ирыстоны аварийы фӕстиуӕгӕн фӕмард Мугуты хъӕуы 39-аздзыд цӕрӕг сылгоймаг, хъусын кӕны республикӕйы Мидхъуыддӕгты министрады (МХМ) пресс-службӕ.
Фӕндагон транспортон цау (ФТЦ) ӕрцыдис Знауыры районы Принеуы хъӕуы цур 16:30 сахатыл.
"Хӕдтулгӕ ВАЗ-2115 шофыр, Мугуты хъӕуы 39-аздзыд цӕрӕг, цыд Принеуы хъӕуы рдӕм, фӕзилӕны нӕ сырӕхст хӕдтулгӕ скъӕрын ӕмӕ ахаудта былӕй. Райсгӕ цӕфтӕй сылгоймаг фӕмард бынаты", — радзырдтой МХМ.
Авария
© Sputnik / Руслан Тадтаев
Хӕдтулгӕйы ма шофырӕй дарддӕр уыд ӕхсӕз адӕймаджы, се 'хсӕн ӕртӕ сывӕллоны — иу-, цыппар- ӕмӕ авдаздзыдтӕ. Пассажирты иууылдӕр алыгъуызон буары цӕфтимӕ аластой Цхинвалмӕ республикон рынчындонмӕ.
Цауы ӕууӕлтӕ бӕрӕг кӕны Знауыры районы мидхъуыддӕгты управлени.