ЦХИНВАЛ, 5 июн — Sputnik. Ирон теннисист Гӕджеты Алан АИШы Wake Forest командӕйы сконды рамбылдта студентон спорты националон ассоциацийы кадджын турнир ӕмӕ фембӕлд Дональд Трампимӕ Урс хӕдзары, хъусын кӕны 15 Регион.
Гӕджеты Алан уыд иунӕг ирон Wake Forest командӕйы сконды.
Уӕлахизмӕ фӕндагыл командӕ рамбылдта Америкӕйы кубок, ACC конференцийы радон чемпионат, ACC конференцийы кубок ӕмӕ Америкӕйы кӕройнаг кубок. Афтӕмӕй, командӕ фӕуӕлахиз алы турниры дӕр, кӕцыты хайад иста. Ацы диссаджы ӕнтыст фӕцыд АИШы сӕргълӕууӕджы зӕрдӕмӕ ӕмӕ йӕ бафӕндыд фембӕлын ӕмӕ раарфӕ кӕнын чемпионтӕн.