ЦХИНВАЛ, 9 июн — Sputnik. Цӕгат Ирыстоны сылгоймӕгты командӕ бацахста фыццаг бынат Цӕгат Кавказы федералон зылды (ЦКФЗ) чемпионаты уӕзисынӕй, хъусын кӕны РЦИ-А спорты Министрад.
Турнир цӕуы горӕт Тырныаузы (Кӕсӕг-Балхъар). Спортсменкӕтӕ рамбылдтой ӕртӕ сыгъзӕрин ӕмӕ иу ӕвзист майданы.
Дунейон чемпионкӕ Туриты Тима схызтис фыццаг къӕпхӕнмӕ 63 кг уӕзы категорийы, дыууӕ хуыз ерысты 222 килограмм сисгӕйӕ. Уӕрӕсейы чемпионаты ӕвзист майданы хицау Хъайтыхты Алла ссис иууыл тыхджындӕр 69 килограммы уӕзы, ӕмткӕй систа 196 кг, Европӕйы чемпионка Мыстиаты Диана (90 килограмм) та систа 234 кг.
Цӕгатирыстойнаг уӕзисыны скъолайы аннӕ минӕвар, Уӕрӕсейы чемпионаты ӕвзист майданы хицау Гасситы Мария (53 килограмм)систа 154 килограммы ӕмӕ бацахста 2 бынат.
Спортсменкӕты тренертӕ сты Золойты Хъазбег ӕмӕ Гасситы Руслан.