ЦХИНВАЛ, 14 июн — Sputnik. Хуссар Ирыстоны хицауады сӕрдар Пухаты Эрик банысан кодта, арӕзтады сӕйраг миниуӕг кӕй у хыгъдон документацийы ӕмбӕлон арӕзтад. Уый тыххӕй Пухаты Эрик радзырдта 2018-2019 ӕзты инвестпрограммӕйы реализацийы фӕдыл ӕмбырды, хъусын кӕны хицауады пресс-службӕ.
"Алы этапыл дӕр цы куыстытӕ арӕзт цӕуынц, уыдон хъуамӕ фыст уой документты, кӕцытӕ ӕвдисынц рахицӕнгонд фӕрӕзты ӕмбӕлон хардз", — банысан кодта Пухаты Эрик.
Арӕзтад, архитектурӕ ӕмӕ ЦКХ министры хӕстӕ ӕххӕстгӕнӕг Зӕгъойты Эдуард радзырдта, инвестпрограммӕмӕ гӕсгӕ цы куыстытӕ цӕуынц, уыдон тыххӕй. Уый банысан кодта, 2018 азы кӕй нывӕндынц 32 мадзалы. Министры ныхӕстӕм гӕсгӕ, куыстытӕ цӕуынц хорз.
Паддзахадон унитарон куыстуат "Водоканал"-ы сӕйраг инженер Сиукаты Иван радзырдта Ленингоры районы донифтонгад ӕмӕ канализацийы арӕзтады этапты тыххӕй.
"Ӕввахс рӕстӕджы Ленингоры районы райдайдзыстӕм дон хӕдзӕрттӕм уадзын", — радзырдта уый.
Хицауады сӕрдар ӕрдомдта арӕзтад фӕтагъд кӕнын ӕмӕ куыстытӕм хъусдард фӕхуыздӕр кӕнын.
Афтӕ ма уый бахӕс кодта, цӕмӕй алы къуыри дӕр хицауадмӕ дӕттой хыгълӕвӕрд куыстыты арӕзтады тыххӕй.