ЦХИНВАЛ, 25 июн — Sputnik. Цӕгат Ирыстоны Паддзахадон академикон ансамбль "Алан" ралӕудзӕн Мӕскуыйы иууыл кадджындӕр фӕзуаттӕй сӕ иуы — "Крокус Сити Холлы", хъусын кӕны газет "Слово".
Ацы аз ансамбль "Алан" нысан кӕны йӕ 80-азон юбилей, кӕцы сфӕлдыстадон къорд фӕнд кӕны банысан кӕнын стыр гастрольтӕй Цӕгат Кавказы республикӕтӕ ӕмӕ Уӕрӕсейы горӕтты. Концерт "Крокус Сити Холлы" уыдзӕн 12 октябры.
Юбилейон гастрольты фыццаг концерт уыдис Хуссар Ирыстоны столицӕйы 20 июны — "Алан" равдыста цхинвайлаг кӕсджытӕн кафӕн аивады бӕрзонд ӕмвӕзад. Ныртӕккӕ кафджытӕн ис чысыл улӕфт, стӕй та гастрольтӕ адарддӕр уыдзысты фӕззӕджы. Сӕ программӕимӕ "Алан" ралӕудзӕн Рязань, Орел, Харьков, Воронеж, Ростов, Краснодар, Ставрополь, Хъӕрӕсе-Черкес, Адыгей ӕмӕ Кӕсӕг-Балхъары.
Концертон зал "Крокус Сити Холл" Мӕскуыйы у зонгӕ бынат ансамблӕн, 2017 азы сентябры дӕр ма "Алан" равдыста уым концерт. Уӕд залы нӕ уыд сӕрибар бынӕттӕ.
Цӕгат Ирыстоны Паддзахадон ансамбль "Алан" сырӕзт 1938 азы 7 сентябры, 1997 азы та райста академикон статус.