ЦХИНВАЛ, 2 июл — Sputnik, Гӕбӕраты Ян. Цхинвалы спортивон бар "Лига чемпионов"-ы ногӕй бакодта йӕ дуӕрттӕ футболуарзджытӕн Sputnik FanClub – сӕрмагонд фӕзуат, кӕцы сарӕзта информацион агентад Sputnik Хуссар Ирыстон футболуарзджыты ӕрбаиу кӕныны нысанӕн.
Футбол уарзджыты радон фембӕлды хайад истой "Остелеком"-ы сӕргълӕууӕг Роман Коврига ӕмӕ Хуссар Ирыстоны Сырх Дзуары мисси сӕргълӕууӕг Ашот Астабацян.
Фыццаг тайм бахаста гуырысходзинад фанатты зӕрдӕты, гол кӕй бауагътой, уый тыххӕй. Зындис, фанаттӕ кӕй ӕнхъӕлдтой, кӕй фембылд уыдзысты тыхджындӕр командӕйӕн, фӕлӕ цауы дарддӕры райрӕзт дисы бафтыдта алкӕйдӕр.
"Аккаг хъазт. Ӕз ӕнхъӕлмӕ кӕсын тынг цымыдисон дыккаг тайммӕ", — загъта йӕ хъуыды хъазты тыххӕй Астабацян.
Хъазты кӕрӕттӕм уыд бӕрӕг, хъазты фӕстӕ пенальтитӕ кӕй цӕвдзысты дыууӕ командӕйы. Хъазт рауад тынг цымыдисон, алкӕцы уӕлахизы цӕфы фӕстӕ дӕр фанаттӕ къухӕмдзӕгъд кодтой.
Хъазты фӕстиуӕг алкӕйдӕр дисы бафтыдта.
"Чи ахъуыды кодтаид! Махӕн уыд, ӕвӕццӕгӕн, иууыл тыхджындӕр ныхмӕлӕууӕг, фӕлӕ йӕ мах ныддӕрӕн кодтам", — загъта фанаткӕ.
Традицимӕ гӕсгӕ, агентад ауагъта призтӕ ӕмбулӕн конкурс фанатты хсӕн. Ӕртӕ уӕлахиздзау райстой цытджын лӕвӕрттӕ Sputnik Хуссар Ирыстоны символикӕимӕ.
Ӕхсӕнадӕмон информацион агентад ӕмӕ радио Sputnik Хуссар Ирыстон байгом кодта Цхинвалы сӕрмагонд зонӕ футболуарзджытӕн — Sputnik FanClub. Ӕнӕхъӕн мӕй спортивон бары территорийыл кусдзӕн фӕзуат футболуарзджытӕн.