ЦХИНВАЛ, 2 июл — Sputnik, Плиты Фатимæ. Горæт Цхинвалы администрацийы дæлбар культурæ æмæ спорты хайад хоны дзæуджыхъæуккаг рэпер Taha æмæ цхинвайлаг зарæггæнæг Linaйы концертмæ Театралон фæзуатмæ, фехъусын кодта Sputnik хайады хистæр Игорь Тасо (Тасойты).
Мадзал райдайдзæн къуырисæры, изæры 7 сахатыл.
"Концерт арæзт цæуы фæсивæды боны цытæн, фæлæ чысыл фæфæстæ кодтам, уæрæх нывæзт кæй уыд бæрæгбонмæ, уый аххосæй. Цымыдисон музыкалон изæры ралæудзысты дзæуджыхъæуккаг рэпер Taha æмæ Цхинвалаг зарæггæнæг Lina, кæцы æрæджы ссис конкурсы уæлахиздзау. Хонæм горæт-хъайтар Цхинвал æмæ æппæт республикæйы цæрджыты хъæлдзæг концертмæ", — загъта Игорь Тасо.
Концерт уагъд цæуы президенты администраци æмæ парламенты æмархайдæй.