ЦХИНВАЛ, 4 июл — Sputnik. Хуссар Ирыстоны Хъахъхъӕнынады министрады разысгарджытӕ фенын кодтой егъау профессионализм контролон ӕхстыты рӕстӕджы, хъусын кӕны хъахъхъӕнынадон уагдоны пресс-службӕ.
Ахуыртӕ уагъд ӕрцыдысты Хъахъхъӕнынады министрады полигоныл, контролон ӕхстыты рӕстӕджы ӕххӕст кодтой тактикон цӕттӕкӕнынады норматив — ӕхсыны позицийы баивд.
"Ӕхстыты рӕстӕджы ӕфсӕддонтӕ раст ӕххӕст кодтой хӕслӕвӕрдтӕ, кӕцытӕ сын сӕвӕрдтой сӕ командӕгӕнджытӕ, ӕмӕ фенын кодтой егъау профессионализм", — банысан кодтой Хъахъхъӕнынады министрады.
Уагдоны бафтыдтой, зӕгъгӕ, цӕттӕкӕнынады этапы райдайӕны разысгарджытӕ сахуыр кодтой хӕцӕнгарзы тактико-техникон характеристикӕ ӕмӕ ӕхсыны фӕтктӕ.
Ахуыртӕ цыдысты ахуырадон кълӕсты ӕмӕ ӕфсӕддон полигоны.