ЦХИНВАЛ, 5 июл — Sputnik. Хуыбежты Кахабер рамбылдта сыгъзӕрин майдан Вахтанг Балавадзе ӕмӕ Гиви Картозияйы номыл Гран-прийы 79 килограммы уӕзы категорийы, Рӕмонаты Сослан та рамбылдта ӕвзист майдан 70 кг категорийы, хъусын кӕны Уӕрӕсейы спортивон хъӕбысхӕсты Федераци.
Финалы Хуыбежты Кахабер фембӕлд ноджы иу уӕрӕсейаг спортсмен Магомед Рамазановимӕ, кӕцы ссис ӕвзист майданы хицау. Рӕмонаты Сослан финалон тохы фембылд ныры дунейон чемпион Зураб Якобашвилийӕн 2:3 хыгъдӕй.
Дыууӕ спортсмен дӕр хайад истой ӕхсӕнадӕмон турниры, кӕцы цыд Тбилисы 4 июлы, Уӕрӕсейы командӕйы сконды. Ӕдӕппӕт уӕрӕсейаг уӕгъдибар хъӕбысхӕцджытӕ бацахстой цыппар призон бынаты, се хсӕн Анзор Уришев, кӕцы рамбылдта сыгъзӕрин майдан 92 килограмм уӕзы.