ЦХИНВАЛ, 2 авг — Sputnik. Хуссар Ирыстоны Мидхъуыддӕгты министрады (МХМ) уголовон фӕдагуырды кусджытӕ Ленингоры районы хъӕутӕй иуы ссардтой ӕмӕ скуынӕг кодтой хъӕддаг гӕны 84 къутӕры, хъусын кӕны барадхъахъхъӕнӕг органы пресс-службӕ.
Уагдоны куыд банысан кодтой, афтӕмӕй ӕррагӕнӕн кӕрдӕджы къутӕртӕ задысты хъӕу Цъубены хуссарварс кӕрон.
Раздӕр, 20 июлы ма МХМ фехъусын кодтой, ацы хъӕуы ма куынӕг кӕй ӕрцыдысты наркотикон буарадхӕссӕг кӕрдӕджы 370 къутӕры.
Цауы фӕдыл басгӕрст уадзы Ленингоры районы мидхъуыддӕгты управлени.