ЦХИНВАЛ, 13 авг — Sputnik. Ирыстойнаг каратисткӕ Коцты Аланӕ ссис Уӕрӕсейы Кубокы уӕлахиздзау, хъусын кӕны Цӕгат Ирыстоны спорты министрады пресс-службӕ.
Ерыстӕ каратэйӕ лӕппуты ӕмӕ чызджытӕ ӕхсӕн цыдысты 11-12 августы горӕт Орелы.
Ирон спортсменкӕ рамбылдта сыгъзӕрин майдан 61 килограммы уӕзы категорийы. Спортсменкӕйы тренер у Саулохты Алан.
Уагдоны пресс-службӕйы бафтыдтой, зӕгъгӕ, уый уыд ӕвзарӕн турнир дунейы чемпионатмӕ каратэйӕ, кӕцы ацӕудзӕн ноябры Мадриды (Испани).