ЦХИНВАЛ, 15 авг — Sputnik. Цæгат Ирыстоны цæрæг Дзау-Рукы фæндагыл фæцæйцæугæйæ сарæзта фæндагон-транспортон цау, цæй фæстиуæгæн рынчындонмæ бахаудысты шофыр æмæ йæ бæлццон, хъусын кæны ХИ МХМ пресс-службæ.
"Хæдтулгæ ВАЗ-21014 маркæйы шофыр, Цæгат Ирыстоны 22-аздзыд цæрæг не сарæхст æмæ сæмбæлд бæласыл", — дзырдæуы хъусинаджы.
ФТЦ фæстиуæгæн шофыр æмæ йæ бæлццон, 47-аздзыд Цæгат Ирыстоны цæрæг бахаудтой Хуссар Иры соматикон рынчындонмæ. Цау сгары Дзауы районы мидхъуыддæгты министрады фæндгон змæлды æдасдзинады хайад (ФЗӔХ).