ЦХИНВАЛ, 4 сен — Sputnik, Козаты Диана. Хуссар Ирыстоны арӕнхъахъхъӕнджытӕ ӕрцахстой Польшӕйы дыууӕ ӕмбӕстаджы, кӕцытӕ фехӕлдтой Гуырдзыстонимӕ паддзахадон арӕны режим, хъусын кӕны Паддзахадон ӕдасдзинады комитеты (ПӔК) пресс-службӕ.
Польшӕйы ӕмбӕстӕгты, кӕцытӕ разындысты туризмы специалисттӕ, ӕрцахстой 1 сентябры Дзауы районы Хозы хъӕуы цур.
"Арӕнсӕтджытӕ ӕххӕст кодтой тур Варшава-Кутаиси-Хъелы цад маршрутмӕ гӕсгӕ", — загътой ПӔК-ы.
Дзауы районы тӕрхондон къуырисӕры 3 сентябры ӕрбаздӕхта арӕнсӕтджыты административон бӕрнмӕ, бафидын сын кодта ивар ӕмӕ сӕ арвыста Хуссар Ирыстоны территорийӕ.
"Уыцы бон, 21.30 сахатыл уыдоны арвыстой республикӕйы территорийӕ, радтой сӕ Гуырдзыстоны хицауады минӕвӕрттӕн", — радзырдтой уагдоны.
Августы кӕрӕтты Хуссар Ирыстоны арӕнхъахъхъӕнджытӕ ӕрцахстой Гуырдзыстоны фондз ӕмбӕстаджы, кӕцытӕ дӕр сӕхи хуыдтой туристтӕ. Уыдоны дӕр радтой Гуырдзыстоны минӕвӕрттӕн ивар бафидыны фӕстӕ.