ЦХИНВАЛ, 5 сен — Sputnik, Козаты Диана. Уӕрӕсейаг боксер Гасситы Мурӕт ис ӕхсӕзӕм бынатыл Ӕппӕтдунейон боксы ассоциацийы (WBA) августы рейтингы фыццаг уӕззау категорийы. Рейтингты ног верси ныммыхуыр кодтой организацийы официалон сайтыл.
Фыццаг уӕззау категорийы уӕрӕсейаг Максим Власов ахсы дыккаг бынат, Руслан Файфер та фӕндзӕм. "Улӕфты" чемпион ацы категорийы у уӕрӕсейаг Денис Лебедев.
Ӕхсӕзӕм бынат Гасситы Мурӕт ахсы IBF рейтингы дӕр, WBC номхыгъды та ис ӕртыккаг бынатыл.
Цыппар роны хицау у украинӕйаг Александр Усик, кӕцыйӕн Гасситы Мурӕт фембылд Ӕппӕтдунейон боксы суперсерийы финалон тохы.
Р-спорт хъусын кӕны, зӕгъгӕ, WBA ӕмӕ IBF раздӕры чемпион Гасситы Мурӕт ацӕудзӕн йе 'мбӕстаг Денис Лебедевы тохмӕ туркаг боксер Хизни Алтункаимӕ.
Лебедев ӕмӕ Алтункайы ӕхсӕн тох ацӕудзӕн 7 сентябры Челябинскы. Турнир уыдзӕн нывонд горӕтыл 282 азы сӕххӕсты цытӕн.