ЦХИНВАЛ, 11 сен — Sputnik. Хуссар Ирыстонмӕ ацы улӕфӕн бонты ӕрласдзысты Мад Майрӕмы уазныв "Семистрельная", хъусын кӕны телеканал Осетия-Ирыстон.
Уазныв ныридӕгӕн ӕрластой Цӕгат Ирыстонмӕ, цы ран Беслӕны фыццӕгӕм скъолайы ацыд службӕ.
Мад Майрӕмы уазныв "Знæт зæрдæтæ фæлмæнгæнæг" (æвдфатон) ссис зындгонд 20 азы размӕ — фыццаг йӕ тых равдыста мӕскуыйаг хуымӕтӕг фатеры.
Фондз бон уазныв уыдзӕн Дзӕуджыхъӕуы фондз аргъуаны. Дыццӕджы уыдзӕн Уӕлахизхӕссӕг Георгийы аргъуаны, 12 сентябры — Ирон аргъуаны, 13 сентябры — Фырсыгъдӕг Мад Майрӕмы аргъуаны, уый фӕстӕ та Ильинаг аргъуаны.