ЦХИНВАЛ, 17 сен — Sputnik. Хуссар Ирыстоны Мидхъуыддӕгты министрады (МХМ) фехъусын кодтой, республикӕйы цӕрӕг барвӕндонӕй кӕй радта ӕнӕрегистрацигонд хӕцӕнгарз.
Уагдоны информацимӕ гӕсгӕ, горӕты 43-аздзыд цӕрӕг барвӕндонӕй радта "Макаровы" дамбаца, иу агъуд ӕмӕ ӕхсӕз нӕмыджы.
"Нӕлгоймаг бамбарын кодта, кӕй ссардта хӕцӕнгарз хъӕуы фӕндагыл ӕмӕ йӕ радта барвӕндонӕй, цӕмӕй йӕ ма ӕрбаздӕхой уголовон бӕрнмӕ", — дзырдӕуы пресс-службӕйы хъусинаджы.
Криминалон милицийы кусджытӕ бӕрӕг кӕнынц цауы ӕууӕлтӕ.
Республикӕйы МХМ бирæ хатт сидт цæрджытæм барвæндонæй хæцæнгарз, рæмудзæн æрмæг æмæ нæмгуытӕ раттыны тыххӕй.