ЦХИНВАЛ, 17 сен — Sputnik, Козаты Диана. Хуссар Ирыстоны Уӕлвӕткон уавӕрты министрады зынгфӕдисонтӕ уайтагъд аиуварс кодтой арт, кӕцы ссыгъд Цхинвалы Сомихӕгты уынджы ӕдзӕрӕг хӕдзӕрттӕй иуы, фехъусын кодта УУМ пресс-службӕ.
Зынгирвӕзт ӕрцыд 14.30 сахатыл, арт нӕ бахъыгдардта ӕндӕр хӕдзӕртты.
"Судзгӕ агъуысты цур уыдысты цӕрӕн хӕдзӕрттӕ. Цауы бынатмӕ уайтагъд ацыдысты дыууӕ хӕдтулгӕйы. Зынгфӕдисонтӕ ахуыссын кодтой арт ӕмӕ нӕ бауагътой, цӕмӕй зынг ахиза ӕндӕр агъуыстытӕм", — загътой УУМы.
Уагдоны бафтыдтой, зынгирвӕзты аххосаг нырма бӕрӕг кӕй нӕу.