ЦХИНВАЛ, 18 сен — Sputnik. Хуссар Ирыстоны Паддзахадон университеты 26 сентябры ацӕудзӕн уӕрӕсейаг ахуыргӕнӕндӕтты равдыст-презентаци "Образование в России — старт успешного будущего", кӕцы сорганизаци кодта Уӕрӕсейаг зонад ӕмӕ культурӕйы центр ахуырады фӕдыл ӕмгуыстады агентад Russia.Study.-имӕ иумӕ.
Ӕрбацӕуджытӕн уыдзӕн фадат базонын квалификаци фӕхуыздӕр кӕныны программӕты тыххӕй, дыккаг уӕлдӕр ахуырад райсын ӕмӕ магистратурӕмӕ бацӕуыны уавӕрты тыххӕй.
Равдыстмӕ ӕрхуыдтой Менделеевы номыл Уӕрӕсейаг химико-технологон университет (Мӕскуы), Уралы федералон университет (Екатеринбург), Севастополы паддзахадон университет ӕмӕ ӕндӕрты.
Ахуыргӕнӕндӕттӕ равдисдзысты цӕттӕкӕнынады сӕйраг здӕхтытӕ: гуманитарон, техникон, физико-математикон, зонадон.
Афтӕ ма равдыст-презентацийы рӕстӕджы ауадздзысты конкурс электронон планшет рамбулыныл, банысан кодтой организатортӕ.