ЦХИНВАЛ, 27 сен — Sputnik. Цæгат Ирыстоны ацыд словакаг æвзагмæ тæлмацгондæй Нарты кадджыты чиныджы презентаци, хъусын кæны ПТРК "Алания".
Йæ автор у Словакийы зындгонд фыссæг, драматург, тæлмацгæнæг Малиты-Франева Эва.
"Авторы сæмхиц кодта ирон æвзагмæ, Ирыстоны культурæ æмæ традицитæм йæ цардæмбал Малиты Славик. Нарты кадджытимæ куы базонгæ, уæд æй бафæндыд Словакийы цæрджытæм сæ мидис сæхи æвзагыл фæхæццæ кæнын", — дзырдæуы хъусинаджы.
Фыццаг чиныг рухс федта 1982-æм азы. Чиныджы дыккаг рауагъдмæ хаст æрцыдысты ноджы фылдæр уацмыстæ. Презентацийы рæстæджы ма автор загъта, Словакийы фæндон кæй бахæсдзæн, цæмæй ахуырад æмæ зонады къабазмæ бахæссой Нарты кадджытæй скъуыддзæгтæ.