ЦХИНВАЛ, 4 окт — Sputnik. Хуссар Ирыстоны фӕсарӕйнаг хъуыддӕгты министрады (ФХМ) сӕргълӕууӕг Медойты Дмитрий радта йӕ абхазаг коллегӕ Даур Ковейӕн РХИ ФХМ майдан "Ӕхсӕнадӕмон ӕмгуыстады хайбавӕрды фӕдыл". Министрты фембӕлд сӕххӕст ис Абхазы 3 октябры, хъусын кӕны ӕддагон политикӕйы уагдоны пресс-службӕ.
Медойты Дмитрий раарфӕ кодта Даур Кове ӕмӕ Абахазы ФХМ-ӕн Абхазы Уӕлахиз ӕмӕ Хӕдбардзинады боны цытӕн, афтӕ ма бахахх кодта, дыууӕ бӕстӕйы ӕхсӕн кӕй ис хӕларадон ахастытӕ.
Кове банысан кодта, зӕгъгӕ, ахсджиаг у дарддӕр дӕр фидар кӕнын Хуссар Ирыстон ӕмӕ Абхазы адӕмы ӕхсӕн ахастытӕ. Афтӕ ма фембӕлды рӕстӕджы министртӕ ӕрдзырдтой Женеваг дискусситы боны фӕткыл.
Хуссар Ирыстоны ФХМ сӕргълӕууӕг дыууӕварсон ахастыты егъау хайбавӕрды тыххӕй радта Абхазы Рӕстдинон Аргъуаны сӕргълӕууӕг Виссарион Аплиайӕн дӕр хорзӕх.