ЦХИНВАЛ, 5 окт — Sputnik. Хуссар Ирыстоны президент Бибылты Анатолий банысан кодта инвестицион программӕйы хорз динамикӕ Хуссар Ирыстон ӕмӕ Уӕрӕсейы ӕхсӕн социалон-экономикон ӕмгуыстады фарстыты фӕдыл рабадты рӕстӕджы. Рабадты хайад райстой Цӕгат Кавказы хъуыддӕгты фӕдыл министры хӕдивӕг Игорь Кошин, кӕцы ӕрцыд Хуссар Ирыстонмӕ кусӕгон балцы.
"Фӕстиӕттӕ инвестпрограммӕйы реализацийы рӕстӕджы нӕй. Абоны бон мах хъуамӕ ӕрныхас кӕнӕм Хуссар Ирыстоны райрӕзты дарддӕры къахдзӕфтыл", — радӕтта Бибылты Анатолийы ныхӕстӕ президенты пресс-службӕ.
Игорь Кошин банысан кодта, инвестпрограммӕйы реализаци кӕй цӕуы нывӕзтмӕ гӕсгӕ.
"Абон мах нӕ коллегӕтимӕ иумӕ бабӕрӕг кодтам инвестпрограммӕйы объекттӕ ӕмӕ банысан кодтам райрӕзты хорз динамикӕ. Ӕхсызгон нын у, нардуатон организацитӕ кӕй исынц куыстмӕ бынӕттон цӕрджыты", — загъта министры хӕдивӕг.
Афтӕ ма уый банысан кодта, фарсытӕн кӕй хъӕуы бацӕттӕ кӕнын ӕмӕ ӕрныхас кӕнын Ӕхсӕнхицауадон къамисы радон рабадт ауадзыныл, афтӕ ма инвестицион программӕйы дарддӕры реализацийы пункттыл дӕр.