ЦХИНВАЛ, 15 окт — Sputnik. Хуссар Ирыстоны Мидхъуыддӕгты министрады (МХМ) кусджытӕ ӕрцахстой Цхинвалы цӕрӕджы, кӕцы адавта нозты продукци коммерцион дуканийӕ, хъусын кӕны республикӕйы МХМ пресс-службӕ.
Барадхъахъхъӕнджытӕ райдыдтой уадзын оперативон-сгарӕн мадзӕлттӕ, базарадон объекты хицау сӕм 6 октябры куырдиат куы бадӕтта, уый фӕстӕ.
"Сылгоймаг радзырдта, йӕ коммерцион дуканийӕ кӕй адавтой нозты 110 авджы. Зианы суммӕ рацыд 6,5 мин сомы", — банысан кодтой МХМ.
Цхинвалы мидхъуыддӕгты хайады кусджытӕ сбӕрӕг кодтой ӕмӕ ӕрцахстой фыдгӕнӕджы — уый разынд микрорайон "Хурзӕрины" 25-аздзыд цӕрӕг, кӕцы басаст йӕ фыдракӕндыл.