Хъынцъым кӕнӕм уемӕ: Цхинвалы ссардтой Керчы трагедийы амӕттӕгты нӕмттӕ

Хуссар Ирыстоны столицӕйы Уӕрӕсейы Федерацийы минӕварады агъуыстмӕ амӕттӕгты мысӕнӕн адӕм хастой дидинджытӕ
Sputnik

ЦХИНВАЛ, 18 окт — Sputnik, Уалыты Диана. Цхинвалы ратӕфӕрфӕс кодтой Керчы цӕрджытӕн ӕвирхъау трагедийы тыххӕй. Траурон акцийы фӕлгӕтты, кӕцы сорганизаци кодта Уӕрӕсейаг ӕмбӕстӕгты координацион совет, республикӕйы цӕрджытӕ сӕвӕрдтой дидинджытӕ Уӕрӕсейы минӕварады агъуыстмӕ.

"Мах фӕдзырдтам организацитӕм, кӕцытӕ немӕ ӕмгуыстад кӕнынц, ӕмӕ иууылдӕр уайтагъд сразы сты акцийы хайад райсын", — банысан кодта уӕрӕсейаг ӕмбӕстӕгты цӕдисы сӕргълӕууӕг Наталья Жуйкова.

Мадзалмӕ 'рбацыдысты скъолаты ахуыргӕнинӕгтӕ дӕр, уыдонимӕ аныхас кодта Уӕрӕсейы минӕварады уынаффӕгӕнӕг Сергей Манько. Уый бахатыд скъоладзаутӕм, цӕмӕй уой хъусдарагдӕр се 'мгӕрттӕм ӕмӕ-иу фехъусын кӕной зӕрдӕмӕ ӕхсайгӕ адӕмы тыххӕй.

Возложение цветов в память жертв трагедии в Керчи

Ӕртыццӕджы бонӕй Керчы политехникон колледжы фехӕлд рӕмудзӕн ӕрмӕг. Фӕстаг информацимӕ гӕсгӕ, фехӕлды фӕстиуӕгӕн фӕмард сты 21 адӕймаджы, 50 адӕймагӕй фылдӕр та сты зианбаййафджытӕ. Срӕмыгъд сорганизаци кодта цыппӕрӕм курсы 18-аздзыд студент Владислав Росляков, кӕцы рӕмудзӕн ӕрмӕджы фехӕлды фӕстӕ та райдыдта ӕхсын, стӕй та амардта йӕхи. Цауы фӕстиуӕгӕн бакодтой уголовон хъуыддаг.

1 / 5
Цхинвалы ссардтой Керчы трагедийы амӕттӕгты нӕмттӕ
2 / 5
Цхинвалы ссардтой Керчы трагедийы амӕттӕгты нӕмттӕ
3 / 5
Цхинвалы ссардтой Керчы трагедийы амӕттӕгты нӕмттӕ
4 / 5
Цхинвалы ссардтой Керчы трагедийы амӕттӕгты нӕмттӕ
5 / 5
Цхинвалы ссардтой Керчы трагедийы амӕттӕгты нӕмттӕ