ЦХИНВАЛ, 23 окт — Sputnik. Хуссар Ирыстоны фæсарæйнаг хъуыддæгты министр (ФХМ) Медойты Дмитрий официалон балцы æрцыд Италимæ, хъусын кæны æддагполитикон уагдоны пресс-службæ.
Йæ балцы фæлгæтты министр фембæлд горæт Рандаццойы мэр Франческо Сгроиимæ. италиаг горæты сæргълæууæг равдыста тырнынад Цхинвалимæ æмгуыстады бадзырд бафыссынмæ. Фæстæдæр Медойты Дмитрий Сгроиимæ бабæрæг кодтой сывæллæтты муниципалон уагдон, кæцыйы кæрты ныссагътой æнгузбæлас — сабырады символ.
ФХМ хъусинаджы ма куыд дзырдæуы, афтæмæй 25-26 октябры Медойты Дмитрий хайад райсдзæн XI Евразиаг форумы Вероны, 27 октябры та политикон змæлд Stato Veneto-йы фæхуындмæ гæсгæ архайдзæн Адæмты хæдуагæвæрды æхсæнадæмон бонты, бакæсдзæн дзы доклад дæр.