Уникалон портал фыдӕлты заманмӕ фӕзынд Ирыстоны цӕрджытӕн Цӕллагты мыггаджы руаджы, кӕцытӕ аст азы размӕ аскъуыддзаг кодтой сцалцӕг кӕнын сӕ мыггаджы мӕсыг Уналы хъӕуы. Цӕллагты хъӕппӕрисмӕ ӕрбаиу сты ӕндӕр мыггӕгтӕ дӕр, уыдон ӕрбахастой цардуагон дзауматӕ, кӕцытӕ сын баззадысты сӕ фыдӕлтӕй, цӕмӕй сӕ сӕвӕрой музейы.
Амӕйразмӕ ацыд мӕсыг-музейы бӕрӕгбонон баконд, уый цытӕн фыццаг хатт 300 азмӕ ссыгътой ӕртытӕ мӕсгуыты, кӕцытӕ сты Уналы комы. Урс фӕздӕг, кӕцы ӕмбырд кодта адӕмы цины хабармӕ, радӕттой Цадмады хъӕуӕй Уналмӕ.