ЦХИНВАЛ, 15 ноя — Sputnik. Цӕгат Ирыстоны столицӕйы сӕрмагонд хӕдзары ӕрцыд зынгсирвӕзт, кӕцыйы амӕттаг бацис ацӕргӕ сылгоймаг, хъусын кӕны 15-ӕм Регион.
Республикӕйы Уӕлвӕткон уавӕрты министрады (УУМ) банысан кодтой, зӕгъгӕ, Горькийы уынгыл зынгсирвӕзты тыххӕй хъусинаг ӕрбацыд боны фыццаг сахатыл, цауы бынатмӕ уайтагъд ацыдысты зынгфӕдисонтӕ.
"Сбӕрӕг кодтой, Дзӕуджыхъӕуы, Горькийы уынгыл кӕй судзы 19-ӕм сӕрмагонд хӕдзары ӕрдӕг, кӕцыйы фӕзуат у 10 квадратон метр", — дзырдӕуы уагдоны хъусинаджы.
Зынгсирвӕзт аиуварс кодтой 20 минутмӕ, арт хуыссын кӕнынмӕ ӕрбаздӕхтой УУМ аст кусӕг ӕмӕ техникӕйы дыууӕ иуӕджы.