ЦХИНВАЛ, 16 ноя — Sputnik. Уӕзласӕн хӕдтулгӕтӕн бар радтой скъӕрын Транскамы уылты, 10.20 сахатӕй фӕстӕмӕ фӕндаг кусы хуымӕтӕг режимы, фехъусын кодтой Sputnik Хуссар Ирыстоны Уӕлвӕткон уавӕрты (УУМ) министрады.
Транскамы уылты уӕзласӕн хӕдтулгӕты скъӕрыныл тобӕ сӕвӕрдтой цыппӕрӕмы изӕры стыр миты тыххӕй.
"Ныртӕккӕ трассӕ кусы хуымӕтӕг режимы, арӕнӕвӕрдтӕ систой", — банысан кодтой УУМы.
Транскавказон автомагистраль цӕуы хӕхтыл ӕмӕ у иунӕг фӕндаг, кӕцы иу кӕны Хуссар Ирыстон ӕмӕ Уӕрӕсейы.