ЦХИНВАЛ, 19 ноя — Sputnik. Ирон богал Найфонты Артур рамбылдта ӕвзист майдан дунейы чемпионаты уӕгъдибар хъӕбысхӕстӕй 23 азы кары спортсменты ӕхсӕн, хъусын кӕны РЦИ-А физикон культурӕ ӕмӕ спорты министрады пресс-службӕ.
Дунейы ерыстӕ уӕгъдибар хъӕбысхӕстӕй Бухаресты (Румыни) балхынцъ сты хуыцаубоны. Спортсмен архайдта 86 килограммы уӕзы категорийы.
"Ирон спортсмен Найфонты Артур, кӕцы уыд Уӕрӕсейы командӕйы сӕргъ дунейы чемпионаты уӕгъдибар хъӕбысхӕстӕй 23 азы кары фӕсивӕды ӕхсӕн, фембылд финалон тохы ирайнаг хъӕбысхӕцӕг Камран Гасемпурӕн 1:4 хыгъдӕй", — дзырдӕуы пресс-службӕйы хъусинаджы.
Афтӕ ма ӕвзист майдантӕ уӕрӕсейаг командӕйы сконды рамбылдтой ирон спортсментӕ — Байаты Давид (70 килограмм) ӕмӕ Соттиты Асланбег (92 килограмм).