ЦХИНВАЛ, 19 ноя — Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы ныридӕгӕн сбӕрӕг кодтой мидхъуыддӕгты органты кусджытӕ, хъусын кӕны къуырисӕры республикӕйы Мидхъуыддӕгты министрады (МХМ) пресс-службӕ.
Ивар гӕны тыххӕй
Наркотикон буарадтӕм хъусдарды фӕдыл хайады кусджытӕ ссардтой Цхинвалы 33-аздзыд цӕрӕджы хӕдтулгӕйы тыхтон гӕнимӕ. Медицинон басгӕрст сбӕрӕг кодта, горӕты цӕрӕг кӕй пайда кодта наркотикон буарадӕй.
Цхинвалы тӕрхондон фӕивар кодта нӕлгоймаджы аст мин сомы бӕрц.
Ӕнӕ зианбаййафджытӕй
МХМ информацимӕ гӕсгӕ, ивгъуыд къуыри республикӕйы ӕрцыд ӕхсӕз фӕндагон-транспортон цауы (ФТЦ). Авариты фӕстиуӕгӕн зианбаййафджытӕ нӕй. Дыууӕ ФТЦ ӕрцыдысты Транскамыл митуарды тыххӕй.
Фӕндагон-транспортон ӕмӕ ӕхсӕнадон фӕткты фехӕлдтӕ
Паддзахадон автоинспекцийы кусджытӕ рейдон мадзӕлтты рӕстӕджы сбӕрӕг кодтой фӕндагон змӕлды 280 фӕткхалды. Аст шофыры скъӕрдтой хӕдтулгӕтӕ нозтджынӕй.
Афтӕ ма ӕхсӕнадон фӕткхӕлдты тыххӕй Цхинвалы мидхъуыддӕгты хайад ӕрцахста 20 адӕймаджы. Фараст адӕймаджы ӕрбаздӕхтой административон бӕрнмӕ, цыппары та сбадын кодтой ахӕстоны.