ЦХИНВАЛ, 13 дек — Sputnik. Зындгонд оперон зарӕггӕнӕг Джиоты Вероника сӕххӕст кодта авдӕны зарӕг "Адджын фын" студи "Frank Animation"-ы ног рауагъды. Уый тыххӕй 15 регион фехъусын кодта проекты аразӕг Сӕлбиты Алан.
"Frank Animation" у анимацион-ахуырадон проект ирон ӕвзагыл.
Алолаймӕ мелоди ныффыста композиторДзлиты Дзерассӕ, дзырдты автор та у Сӕлбиты Алан йӕхӕдӕг.
Алан банысан кодта, уый ныридӕгӕн кӕй у студийы ӕртыккаг проект. Фыццаг рауагъд тынг фӕцыд цӕрджыты зӕрдӕмӕ, уымӕ гӕсгӕ Алан сарӕзта йӕхи канал ӕмӕ ӕрӕвнӕлдта музыкалон анимацион мультфильмтӕ аразынмӕ ирон ӕвзагыл.
Студи "Frank Animation"-ы ӕртыккаг рауагъды премьерӕ ацӕудзӕн 25 декабры.