ЦХИНВАЛ, 14 дек — Sputnik. Хуссар Ирыстоны президент Бибылты Анатолий бафыста барамынд ӕфсӕддон рӕвдзытӕ ауадзыны фӕдыл республикӕйы ӕмбӕстӕгтимӕ, кӕцытӕ сты фӕстауӕрцы. Уый тыххӕй хъусын кӕны паддзахады сӕргълӕууӕджы пресс-службӕ.
Рӕвдзытӕ уагъд цӕуынц, цӕмӕй сбӕрӕг кӕной ӕмбӕстӕгты нысаниуӕг хӕсты рӕстӕджы ӕмӕ "Республикӕ Хуссар Ирыстоны мобилизацион цӕттӕкӕнынады" законмӕ гӕсгӕ.
"Республикӕ Хуссар Ирыстоны хъахъхъӕнынады министрад 2018 азы 20-22 декабры хъуамӕ ауадза рӕвдзытӕ ӕмбӕстӕгтӕн, кӕцытӕ сты фӕстауӕрцы ӕмӕ техникӕйӕн, кӕцы ӕнӕмӕнгхъӕугӕ уыдзӕн дыууӕ хайад
баххӕст кӕнынӕн", — дзырдӕуы президенты барамынды.
Бибылты Анатолий бахӕс кодта хицауад ӕмӕ паддзахады бынӕттон органтӕн баххуыс кӕнын ауадзын ӕфсӕддон рӕвдзыты мадзӕлттӕ.