ЦХИНВАЛ, 28 дек — Sputnik. Ногазон бӕрӕгбӕтты размӕ Хуссар Ирыстоны паддзахадон автоинспекци ӕххӕст кӕндзӕн фӕндагон змӕлды ӕдасдзинады тыхджындӕргонд мадзӕлттӕ, хъусын кӕны республикӕйы Мидхъуыддӕгты министрады (МХМ) пресс-службӕ.
"Ногазон бӕрӕгбӕтты рӕстӕджы фӕфылдӕр вӕййы хӕдтулгӕты нымӕц фӕндӕгтыл. Уый фӕдыл республикӕйы фӕндӕгтӕм рахиздзысты патрулон службӕйы уӕлӕмхасӕн къордтӕ, кӕцытӕ хъахъхъӕндзысты бынӕттӕ, цы ран ӕмбырд кӕнын байдауынц бирӕ адӕм", — банысан кодта паддзахадон автоинспекцийы хистӕр Джиоты Алан.
Паддзахадон автоинспекцийы кусджыты сӕйраг хъусдард здӕхт уыдзӕн нозтджын шофыртӕ сбӕрӕг кӕнынмӕ. Фӕндагон змӕлды фӕткхалджыты ныхмӕ ӕххӕст кӕндзысты карз мадзӕлттӕ, бафтыдтой уагдоны.