ЦХИНВАЛ, 29 дек – Sputnik. Хуссар Ирыстоны президент балӕвар кодта велосипед, смартфон ӕмӕ "Триколор ТВ" акци "Бӕллицты фонтан"-ы фӕлгӕтты, хъусын кӕны паддзахады сӕргълӕууӕджы пресс-службӕ.
Президент загъта бузныг проекты автор Хъуылымбегты Еленайӕн хорз реализацийы тыххӕй, кӕцыйы руаджы сывӕллӕттӕн Ног азы сӕххӕст уыдзысты сӕ бӕллицтӕ.
"Проект "Бӕллицты фонтан" радта фадат сывӕллӕттӕн райсын лӕвӕрттӕ Ног азмӕ. Бирӕ адӕм баххуыс кодтой сывӕллӕттӕн. Мӕхӕдӕг дӕр сӕххӕст кодтон мӕ дзырдлӕвӕрд", - загъта президент.
Акци "Бӕллицты фонтан" дыккаг аз уагъд цӕуы Паддзахадон телерадиокомпани "Ир"-ы. Проекты хайад исынц Ленингоры интернат, Дзауы скъола-интернат, Цхинвалы интернаты сывӕллӕттӕ, афтӕ ма уӕззау низтимӕ ӕмӕ ӕххуысхъуаг бинонты сывӕллӕттӕ.