ЦХИНВАЛ, 10 янв — Sputnik. Хуссар Ирыстоны Хетæгкаты Къостайы номыл паддзахадон драмон театры коллективæн базонгæ кодтой сæ ног директор Уалыты Мæдинæйы, бон раздæр ацы барамынд фидар æрцыд культурæйы министры барамындмæ гæсгæ, фехъусын кодтой Sputnik министрады пресс-службæйы.
Ацы бынат цалдæр азы уыд сæрибар - парламент профессионалон системæмæ куы рацыд, уæд йæ куыст ныууагъта раздæры директор Къацты Филип. Рæстæгмæ директоры хæстæ æххæст кодта йæ хæдивæг.
"Цыппæрæмы культурæйы министр Зассеты Жанна паддзахадон драмон театры коллективæн базонгæ кодта сæ ног директор Уалыты Мæдинæйы. Ног директор фидаргонд æрцыд 8 январы культурæйы министры приказæй", - загъта культурæйы министрады пресс-секретарь Остъаты Мæдинæ.
Сфæлдыстадон коллективы директор Уалыты Мæдинæ уый агъоммæ куыста æддагполитикон фадыджы, ХИПУ-йы, ис ын арт-галерея "Allon" Цхинвалы.