ЦХИНВАЛ, 24 янв — Sputnik. Хуссар Ирыстоны Милицийы сæрмагонд нысаниуæджы къорды (МСНК) кусджытæ æнтыстджынæй рацыдысты фæразондзинады басгæрст, Цхинвалы районы Хеиты хъæуы асткилометрон дистанци басæтгæйæ, хъусын кæны РХИ Мидхъуыддæгты министрады пресс-службæ.
Марш-бросокы хайадисджытæ æд экипировкæ æрцыдысты нысаны бынатмæ рæстæгмæ.
Алкæцы ротæйы уæнгтæ дæр марш-бросокы архайдтой куыд хицæн къорд афтæ.
Командæ, кæцы иууыл тагъддæр рацыд дистанци, ссис фæлварæнты уæлахиздзау.
"Хатдзæгтæм гæсгæ, фыццаг позицийыл ис æртыккаг ротæйы оперативон къорд, дыккаг ссис фыццаг оперативон ротæ æмæ æртыккаг бынат та бацахста дыккаг оперативон ротæ", - дзырдæуы МХМ хъусинаджы.
Марш-бросокы нысан уыд МСНК-йы кусджыты фæлтæрддзинад сфæлварын.