ЦХИНВАЛ, 25 янв — Sputnik. Хуссарирыстойнаг æвзонг лæппу фæмард аварийы Транскавказаг автомагистралыл, Ручъы тонеелы цæгаттаг порталы цур. Фæндагон-транспортон цау æрцыд цыппæрæмы æхсæвы, хъусын кæны Хуссар Иры УУМ пресс-службæ.
Уагдоны информацимæ гæсгæ, хæдтулгæ "Mersedes"-ы шофыр не сырæхст скъæрын æмæ машинæ сфæлдæхт.
"Транскамы 93-æм километрыл аварийы тыххæй нæм хъусинаг æрбацыд Цæгат Иры уæлвæткон уавæрты министрадæй 19.34 сахатыл", - дзырдæуы хъусинаджы.
Фæндагон бæллæхы фæстиуæгæн шофыр - Хуссар Ирыстоны 24-аздзыд лæппу - фæмард бынаты, йæ пассажиры та уæззау цæфтимæ фæхæццæ кодтой Цæгат Иры клиникон рынчындонмæ.