ЦХИНВАЛ, 29 янв — Sputnik. Цӕгатирыстойнаг скъоладзау Дмитрий Збирун ахызт телеуынынадон олимпиадæ "Умники и умницы"-йы æрдæгфиналмæ, хъусын кӕны 15-ӕм Регион.
Дмитрий у Дзӕуджыхъӕуы 11-ӕм скъолайы ахуырдзау. Монголийы минӕвары ном куы загъта, уæд ын эксперттæ йæ зонындзинæдтæн бӕрзонд саргъ скодтой.
"Дисы мæ бафтыдта. 1957 азы ССРЦ минæвар Монголийы, кæцæй йæ зоны? Иу дзырдӕй - бæдæйнаг", - хъусын кӕны портал Уӕрӕсейы адӕмон артист Эдгард Запашныйы ныхӕстӕ.
Уæлдæр кълӕсты ахуырдзаутæн интеллектуалон гуманитарон олимпиадæ "Умники и умницы" цæуы сабат бонты "Фыццаг канал"-ы эфиры. Æхсæнадæмон ахастыты мæскуыйаг паддзахадон институты студент суæвыны бары тыххæй æргом ныхмæлæуды хайад исынц скъоладзаутæ Уæрæсейы регионтæ æмæ æввахс фæсарæнтæй.