ЦХИНВАЛ, 4 фев - Sputnik. Ирон дзюдоисттӕ Мӕргъиты Мераб, Галуаты Феликс ӕмӕ Цхуырбаты Ален рамбылдтой ӕвзист ӕмӕ дыууӕ бронзӕйы майданы Европӕйы гом турниры, хъусын кӕны Цӕгат Ирыстоны спорты министрады пресс-службӕ.
"Уӕрӕсейы командӕйы сконды ирон дзюдоисттӕ рамбылдтой ӕртӕ хорзӕхы. 100 килограмм уӕзы категорийы ӕвзист майданы хицау баис Мӕргъиты Мераб. Гӕлуаты Феликс (73 килограмм) ӕмӕ Цхуырбаты Ален (+100 килограмм) рамбылдтой бронзӕйы майдантӕ", - дзырдӕуы хъусинаджы.
Ерыстӕ дзюдойӕ нӕлгоймӕгты ӕхсӕн ацыдысты португалиаг горӕт Одивеласы 2-3 февралы. Ирон спортсменты тренертӕ сты Беккуызарты Алик, Цӕгӕраты Хъазбег, Айларты Ирбег, Хуыгаты Виталий, Шамиль Абдулаев.