ЦХИНВАЛ, 8 фев — Sputnik. Цæгат Ирыстоны хæхты æввахс бонты тæссаг у зæйтæ рацæуынæй. Уый тыххæй фæдзæхст мыхуыр æрцыд республикæйы УУМ сайтыл.
"Цæгат-Кавказы æрдзы гидрометеорологи æмæ мониторингы управленийы рагзагъдмæ гæсгæ 8 февралы 18.00 сахатæй 9 февралы 18.00 сахатмæ 1500 метрæй бæрзонддæр хæххон бынæтты у зæйтæ рацæуынæй тæссаг", - дзырдæуы пресс-службæйы хъусинаджы.
Æзæр боныгъæд хынцгæйæ ирвæзынгæнджытæ амонынц республикæйы цæрджытæ æмæ уазджытæн сæхи хъахъхъæнын æмæ хæхтæм цæуынвæнд ма скæнын.