ЦХИНВАЛ, 10 фев — Sputnik. IBF ӕмӕ WBA верситӕм гӕсгӕ дунейы раздӕры чемпион Гасситы Мурӕт ауадздзӕн йӕ тох ацы аз апрелы, радзырдта РИА Новостийӕн Уӕрӕсейы боксы федерацийы генералон секретарь Умар Кремлев.
"Гасситы Мурӕты тох ацӕудзӕн апрелы. Регион нырма ӕвзарӕм. Гӕнӕн ис Краснодар, кӕнӕ Екатеринбург", - загъта уый.
Афтӕ ма ирон боксер хайад райсдзӕн тохы 22 июлы Мӕскуыйы – Боксы боны бӕрӕгбоны цытӕн.
"Афтӕ ма Гасситы Мурӕт тох кӕндзӕн 22 июлы Мӕскуыйы Боксы боны бӕрӕгбоны, мах ууыл ныридӕгӕн ныхас кодтам. Хъӕудзӕн баныхас кӕнын промоутертимӕ", - бафтыдта Кремлев.
Ирон боксер Гасситы Мурӕт бахӕццӕ Ӕппӕтдунейон боксы суперсерийы финалмӕ, цы ран 2018 азы июлы фембылд украинаг Александр Усикӕн. Финалон тохы фӕстӕ боксерӕн сарызтой операци йӕ уӕхскыл. Ирон боксер ногӕй райдыдта тренировкӕ кӕнын ацы аз январы.