ЦХИНВАЛ, 12 фев — Sputnik, Плиты Фатимæ. Хуссарирыстойнаг æрыгон боксертæ дыууадæсæй расгуыхтысты Цæгат Иры фыццагады. Авдæй ссисты уæлахиздзаутæ, ноджы ма фондзæй та ʻрхастой æвзист æмæ бронзæйон майдантæ, фехъусын кодта Sputnik боксы тренер Хаситы Владислав.
Ерыстæ балхынцъ сты 11 февралы.
"Ян Яралов, Джиоты Арсен, Зæгъойты Алан, Ӕлборты Алан æмæ Хуыбылты Константин ссисты Цæгат Ирыстон фыццагад æмæ чемпионаты уæлахиздзаутæ. Дыууæ фæстаг архайдтой хистæр кары спортсменты хсæн. Ацы хорз цæттæ æмæ æнтыстджын фæсивæдæй уæлдай фæлтæрд бокс равдыста Зæгъойты Алан. Æвзист призертæ ма ссисты Кæсойты Андрей æмæ Гуыцмæзты Георгий", - загъта Хаситы Владислав.
Ноджы ма дыууæ цхинвайлаг боксеры, Дзигойты Ацæмæзы хъомылгæнинæгтæ ссисты уæлахиздзаутæ. Хаситы Владиславы ныхæстæм гæсгæ Цæгат Иры æппæтреспубликон ерысты фыццаг номыртæ суыдзысты Цæгат Кавказы федералон зылды ерысты архайджытæ,уыдон та вæййынц æвзарæн Уæрæсейы фыццагадмæ.