ЦХИНВАЛ, 15 фев - Sputnik. Хуссар Ирыстоны столицӕйы ацыд митинг, кӕцы уыд нывонд Афганистанӕй советон ӕфсӕдты ракондыл 30 азы сӕххӕстӕн. Мадзалы хайад райста республикӕйы президент Бибылты Анатолий, хъусын кӕны паддзахады сӕргълӕууӕджы пресс-службӕ.
Афганистаны ветеранты Цӕдисы сӕргълӕууӕг Гуыцмӕзты Мурӕт бахахх кодта, ветерантӕ-афгайнагтӕ сӕ хӕслӕвӕрд намысджынӕй кӕй сӕххӕст кодтой.
Президент загъта бузныг ветерантӕ-афгайнӕгтӕн хъӕбатырдзинад ӕмӕ патриотизмы тыххӕй.
"Абон мах нысан кӕнӕм Афганистанӕй советон ӕфсӕдты ракондыл 30 азы сӕххӕст. Америкӕйы Иугонд Штаттӕ ныридӕгӕн уыцы рӕстӕджы цӕттӕ кодтой ӕнӕзаконон ӕфсӕдты, кӕцытӕ ӕххӕст кодтой террористон акттӕ. Уый фӕдыл Советон Цӕдис бакодта йӕ ӕфсӕдтӕ Афганистанмӕ", - загъта Бибылты Анатолий.
Цхинвалы ӕфсӕддонтӕ-интернационалистты цыртмӕ дидинджытӕ сӕвӕрдтой республикӕйы къухдариуӕгады минӕвӕрттӕ, Афганистаны хӕсты ветерантӕ, Уӕрӕсейы минӕвар Хуссар Ирыстоны Марат Кулахметов, хуссарирыстойнаг ӕмӕ уӕрӕсейаг ӕфсӕддонтӕ, афтӕ ма республикӕйы ӕхсӕнады минӕвӕрттӕ.