ЦХИНВАЛ, 15 фев — Sputnik, Козаты Диана. Хуссар Ирыстоны столицӕйы скъолатӕ ӕмӕ сабидӕтты карантин адаргъ кодтой иу къуыримӕ, фехъусын кодта Sputnik республикӕйы сӕйраг санитарон дохтыр Коцты Марина.
Столицӕйы скъолатӕ ӕмӕ сабидӕттӕ иууылдӕр ӕхгӕд сты карантиныл грипп ӕмӕ КРВИ-йы тыххӕй. Ахуыргӕнӕндӕттӕ хъуамӕ ӕхгӕд уыдаиккой къуырисӕрмӕ.
"Карантин скъолаты фӕуд кодта 18 февралы, сабидӕтты та 20 февралы. Мах аскъуыддзаг кодтам адаргъ кӕнын карантин иннӕ сабатмӕ", - загъта Коцты Марина.
Афтӕмӕй, скъолатӕ ӕмӕ сабидӕттӕ байгом уыдзысты 23 февралы.
Фӕлӕ бирӕ ныййарджытӕ нысан кӕнынц, кӕд ӕмӕ карантин фӕуыдзӕн сабаты, уӕд сӕ сывӕллӕттӕ ацӕудзысты скъолатӕ ӕмӕ сабидӕттӕм къуырисӕры.