ЦХИНВАЛ, 15 фев - Sputnik. Хуссар Ирыстоны президент Бибылты Анатолийы барамындӕй республикӕйы арӕзтады министрӕй снысан кодтой Зӕгъойты Эдуарды.
Раздӕр Зӕгъойты Эдуард уыд арӕзтады министры хӕстӕ ӕххӕстгӕнӕг. Бибылты Анатолий банысан кодта, министрӕй йӕ кӕй снысан кодтой 2018 азы Инвестпрограммӕйы ӕнтыстджын реализацийы тыххӕй.
"Фыццаг хатт инвестицион программӕ ӕххӕст ӕрцыд 100% ӕмӕ йӕ ӕмгъуыдмӕ срелизаци кодтой", - загъта паддзахады сӕргълӕууӕг.
Ахӕм барамынд бафыстой майрӕмбоны Хуссар Ирыстоны хицауады рабадты рӕстӕджы.