ЦХИНВАЛ, 18 фев - Sputnik. Къуырисӕры Цхинвалмӕ кусӕгон балцы ӕрцыд Республикӕ Арцахы фӕсарӕйнаг хъуыддӕгты министрады (ФХМ) сӕргълӕууӕг Масис Маилян, хъусын кӕны Хуссар Ирыстоны ФХМ пресс-службӕ.
"Балцы рӕстӕджы нывӕндынц ауадзын баныхас Хуссар Ирыстоны фӕсарӕйнаг хъуыддӕгты министр Медойты Дмитрий ӕмӕ Арцахы фӕсарӕйнаг хъуыддӕгты министр Масис Маилян, афтӕ ма бафысдзысты дыууӕварсон документтӕ дӕр", - дзырдӕуы хъусинаджы.
Министры балц адаргъ уыдзӕн 21 февралмӕ.
Хуссар Ирыстоны ӕмӕ Хӕххон Карабах фехъусын кодтой кӕрӕдзи хӕдбардзинад банымайыны тыххӕй 2006 азы ноябры.