ЦХИНВАЛ, 19 фев — Sputnik, Козаты Диана. Хӕрзарӕзтады хайады кусджытӕ ӕмӕ техникӕ райсомӕй райдыдтой сыгъдӕг кӕнын столицӕйы уынгтӕ митӕй, радзырдтой Sputnik Цхинвалы мэрийы пресс-службӕйы.
Къуырисӕры ӕхсӕв горӕты райдыдта тымыгъ.
Оперативон архайд: Цхинвалы коммуналон кусджытӕ ссыгъдӕг кодтой фӕндӕгтӕ
© Sputnik / Виталий Раднаев
Боныгъӕд февзӕр ис ивгъуыд улӕфты бонты. Фӕлӕ синоптикты информацимӕ гӕсгӕ, ахӕм боныгъӕд бирӕ нӕ ахӕсдзӕн. Сом горӕты уыдзӕн плюсон температурӕ, дымгӕ та уыдзӕн 4,3 м/с.
"Авд сахатыл хӕрзарӕзтады хайад ракодта Цхинвалы фӕндӕгтӕм техникӕ. Куыстуаты кусджытӕ дӕр сыгъдӕг кодтой тротуартӕ", - загътой мэрийы.
Мэрийы банысан кодтой, столицӕйы коммуналон службӕты кусджытӕ цӕттӕ кӕй сты ӕвзӕр боныгъӕдмӕ.